Ólöf Nordal vill 1. sæti í Reykjavík

sjalfstflÓlöf Nordal innanríkisráðherra og varaformaður Sjálfstæðisflokksins sækist eftir 1. sæti í prófkjöri Sjálfstæðisflokksins í Reykjavík. Hún greinir frá þessu á facebooksíðu sinni. Guðlaugur Þór Þórðarson og Sigríður Á. Andersen alþingismenn sækist eftir 2.sæti. Alþingismennir Brynjar Níelsson og Birgir Ármannsson sækjast eftir sætum ofarlega. Jón Ragnar Ríkharðsson sjómaður og Áslaug Arna Sigurbjörnsdóttir ritari Sjálfstæðisflokksins sækjast eftir 3. sæti. Ingibjörg Óðinsdóttir varaþingmaður og Hildur Sverrisdóttir borgarfulltrúi sækjast eftir 4. sæti og Guðmundur Franklin Jónsson fv.formaður Hægri grænna sækist eftir 4.-6.sæti. Þá sækist Sindri Einarsson og Herdís Anna Þorvaldsdóttir eftir 5.sæti. Auk þess er Kristjana G. Kristjánsdóttir í framboði.

Færðu inn athugasemd

Karl og Lilja leiða Framsókn í Reykjavík

framsoknKarl Garðarsson leiðir lista Framsóknarflokksins í Reykjavíkurkjördæmi norður en hann bar sigurorð af Þorsteini Sæmundssyni á kjördæmisþingi Framsóknarflokksins í morgun með 57% atkvæða gegn 43%.Þorsteinn mun því hverfa af þingi í haust. Lárus Sigurður Lárusson verður í 2.sæti. Sævar Þór Jónsson í 3.sæti, Ingveldur Sæmundsdóttir 4.sæti og Gunnar Kristinn Þórðarsoní 5.sæti.
Lilja Alfreðsdóttir mun leiða lista Framsóknarflokksins í Reykjavíkurkjördæmi suður en hún bauð sig ein fram í það sæti.Ingvar Mar Jónsson verður í 2. sæti og Alex Björn Bülow Stefánsson í 3.sæti, Björn Ívar Björnsson í 4.sæti og Gissur Guðmundsson í 5.sæti.

Færðu inn athugasemd

Staðfestingarkosning Pírata í NV hafin að nýju

piratarStaðfestingarkosning Pírata í Norðvesturkjördæmi er hafin að nýju eftir að úrskurðað var að oddviti listans hafi ekki brotið reglur Pírata um prófkjör. Aðeins 14 sæti eru í tillögunni en fylla þarf 16 sæti til að ná fullum framboðslista. Nokkrar breytingar eru frá tillögunni sem lögð var fram fyrr í mánuðinum. Þrjú efstu sætin eru óbreytt en Hafsteinn Sverrisson sem var í 7. sæti færist upp í það 4. Við það færast Eiríkur Þór Theódórsson og Gunnar Ingiberg Guðmundsson niður um eitt sæti. Halldóra Sigrún Ásgeirsdóttir sem var í 6. sæti er ekki lengur á listanum. Við það færast þau Herbert Snorrason, Vigdís Pálsdóttir, Elís Svavarsson og Þorgeir Pálsson upp um eitt sæti. Þráinn Svan Gíslason og Fjölnir Már Baldursson sem voru í 12. og 13. sæti eru ekki lengur á listanum. Við það færast Gunnar Örn Rögnvaldsson og Ómar Ísak Hjartarson upp í 11. og 12. sæti. Nýr inn á listann kemur Egill Hansson í 13 sæti og að lokum er Hildur Jónsdóttir í 14. sæti en var í 16. áður. Kosningunni lýkur 2. september kl.16. Tillagan er sem hér segir:

1. Þórður Guðsteinn Pétursson, Íþróttafræðingur 8. Vigdís Pálsdóttir, heldriborgari
2. Gunnar Jökull Karlsson, verkamaður 9. Elís Svavarsson, umhverfis- og auðlindafræðingur
3. Eva Pandora Baldursdóttir, viðskiptafræðingur 10. Þorgeir Pálsson, framkvæmdastjóri
4. Hafsteinn Sverrisson, viðskiptalögfræðingur 11. Gunnar Örn Rögnvaldsson
5. Eiríkur Þór Theódórsson, sýningarstjóri 12. Ómar Ísak Hjartarson, háseti
6. Gunnar Ingiberg Guðmundsson, skipstjórnarmaður 13. Egill Hansson, listamaður
7. Herbert Snorrason, bóksali 14. Hildur Jónsdóttir, námsmaður

Færðu inn athugasemd

Þrjú framboð í forvali Samfylkingar í NV

samfylkingFramboðsfrestur vegna forvals Samfylkingarinnar í Norðvesturkjördæmi rann út 19. ágúst sl. Kjósa átti í fjögur sæti en aðeins þrjú framboð bárust og verður því kosið um tvö efstu sætin. Frá þessu er greint á BB.is  Þau sem buðu sig fram eru Ólína Þorvarðardóttir alþingismaður, Guðjón Brjánsson framkvæmdastjóri og Inga Björk Bjarnadóttir. Forvalið fer fram 8.-10. september n.k.

Færðu inn athugasemd

Framsókn í Reykjavík velur á lista á morgun

framsoknFramsóknarmenn í Reykjavík velja á framboðslista sína í Reykjavíkurkjördæmum norður og suður á tvöföldu kjördæmisþingi á morgun. Í suðurkjördæminu sækist Lilja Dögg Alfreðsdóttir ein eftir efsta sætinu. Ingvar Mar Jónsson og Alex Björn B. Stefánsson sækjast eftir 2.sæti og Gissur Guðmundsson eftir 2.-3.sæti. Björn Ívar Björnsson sækist eftir 3.-4. sæti og Ásgerður Jóna Flosadóttir eftir 4.-5.sæti. Í norðurkjördæminu er meiri spenna þar sem þingmennirnir Karl Garðarsson og Þorsteinn Sæmundsson sækjast báðir eftir efsta sætinu. Lárus Sigurður Lárusson sækist eftir 2.sætinu, Sævar Þór Jónsson eftir því 3. og Gunnar Kristinn Þórðarson eftir 3.-6.sæti.

Færðu inn athugasemd

Þórarinn Snorri sækist eftir 4.-6. sæti í Reykjavík

samfylkingÞórarinn Snorri Sigurgeirsson stjórnmálafræðingur sækist eftir 4.-6.sæti á lista Samfylkingar í Reykjavík í forvalinu sem haldið verður 8.-10. september.  Aðrir sem hafa boðið sig fram eru Sigríður Ingibjörg Ingadóttir alþingismaður sem sækist eftir 1.sæti, Valgerður Bjarnadóttir alþingismaður í 1.-2.sæti en alþingismennirnir Össur Skarphéðinsson og Helgi Hjörvar hafa ekki gefið upp sæti enn sem komið er. Sig­urður Hólm Gunn­ars­son býður sig fram í 2.-3. sæti. Þá hafa þeir Gunnar Alexander Ólafsson og Magnús Már Guðmundsson boðið sig fram í 3.-4.sæti. Framboðsfrestur rennur út 3. september.

Færðu inn athugasemd

Valdimar O. Hermannsson vill 3. sætið í NA

sjalfstflValdimar O. Hermannsson bæjarfulltrúi í Fjarðabyggð sækist eftir 3. sætinu á lista Sjálfstæðisflokksins í Norðausturkjördæmi en valið verður á listann á kjördæmisþingi 10.september n.k. Áður hafði Valgerður Gunnarsdóttir alþingismaður lýst því yfir að hún sækist eftir 2.sætinu og búist er við að Kristján Þór Júlíusson heilbrigðisráðherra sækist eftir að leiða listann áfram.

Færðu inn athugasemd

Fylgja

Get every new post delivered to your Inbox.