2012 Stjórnarskrártillögur (ráðgefandi)

Alþingi ákvað með þingsályktun að viðhafa ráðgefandi þjóðaratkvæðagreiðslu um tillögur stjórnlagaráðs að frumvarpi til stjórnarskipunarlaga og tiltekin álitaefni þeim tengd.

Atkvæðagreiðslan fór fram 20.október 2012. Meirihluti svaraði öllum spurningum játandi. Sjá hér.

Ekki liggja fyrir almennilegar opinberar tölur um úrslit atkvæðagreiðslunnar. 

Eftirfarandi spurningar verði bornar upp í þjóðaratkvæðagreiðslunni:
1.     Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?
*    Já, ég vil að tillögur stjórnlagaráðs verði lagðar til grundvallar frumvarpi að nýrri stjórnarskrá.
*    Nei, ég vil ekki að tillögur stjórnlagaráðs verði lagðar til grundvallar frumvarpi að nýrri stjórnarskrá.
2.     Vilt þú að í nýrri stjórnarskrá verði náttúruauðlindir sem ekki eru í einkaeigu lýstar þjóðareign?
*    Já.
*    Nei.
3.     Vilt þú að í nýrri stjórnarskrá verði ákvæði um þjóðkirkju á Íslandi?
*    Já.
*    Nei.
4.     Vilt þú að í nýrri stjórnarskrá verði persónukjör í kosningum til Alþingis heimilað í meira mæli en nú er?
*    Já.
*    Nei.
5.     Vilt þú að í nýrri stjórnarskrá verði ákvæði um að atkvæði kjósenda alls staðar að af landinu vegi jafnt?
*    Já.
*    Nei.
6.     Vilt þú að í nýrri stjórnarskrá verði ákvæði um að tiltekið hlutfall kosningarbærra manna geti krafist þess að mál fari í þjóðaratkvæðagreiðslu?
*    Já.
*    Nei.

Heimild: Vefur Alþingis.

Auglýsingar
%d bloggurum líkar þetta: