1843 Kosið var í einmenningskjördæmum. Þau voru: Reykjavík, Gullbringu- og Kjósarsýsla, Borgarfjarðarsýsla, Mýrasýsla, Snæfellsnessýsla, Dalasýsla, Barðastrandasýsla, Ísafjarðarsýsla, Strandasýsla, Húnavatnssýsla, Skagafjarðarsýsla, Eyjafjarðarsýsla, Suður-Þingeyjarsýsla, Norður-Þingeyjarsýsla, Norður-Múlasýsla, Suður-Múlasýsla, Skaftafellssýsla, Vestmannaeyjar, Rangárvallasýsla og Árnessýsla. Í einmenningskjördæmum var sá kjörinn sem hlaut flest atkvæði.
Þjóðkjörnir voru 20 þingmenn og 6 voru konungkjörnir. Samtals 26 þingmenn.
1859 Skaftafellssýslu skipt upp í tvö einmenningskjördæmi, Austur-Skaftafellssýslu og Vestur-Skaftafellssýslu.
Þjóðkjörnir voru 21 þingmenn og 6 voru konungkjörnir. Samtals 27 þingmenn.
1874 Einmenningskjördæmi voru: Reykjavík, Borgarfjarðarsýsla, Mýrasýsla, Snæfellsnessýsla, Dalasýsla, Barðastrandarsýsla, Strandasýsla og Vestmannaeyjar.
Tvímenningskjördæmi voru: Gullbringu- og Kjósasýsla, Ísafjarðarsýsla, Húnavatnssýsla, Skagafjarðarsýsla, Eyjafjarðarsýsla, Þingeyjarsýsla, Norður-Múlasýsla, Suður-Múlasýsla, Skaftafellssýsla, Rangárvallasýsla og Árnessýsla.
Þjóðkjörnir voru 30 þingmenn og 6 voru konungkjörnir. Samtals 36 þingmenn.
1880 Þingeyjarsýslu skipt upp i tvö einmenningskjördæmi, Suður-Þingeyjarsýslu og Norður-Þingeyjarsýslu. Skaftafellsýslu skipt upp í tvö einmenningskjördæmi, Austur-Skaftafellssýslu og Vestur-Skaftafellssýslu.
1902 Ísafjarðarsýslu skipt upp í tvö einmenningskjördæmi, Norður-Ísafjarðarsýslu og Vestur-Ísafjarðarsýslu.
1904 Reykjavík – þingmönnum fjölgað úr einum í tvo. Ísafirði skipt út úr Norður-Ísafjarðarsýslu og gert að einmenningskjördæmi, Akureyri skipt út úr Eyjafjarðarsýslu og gert að einmenningskjördæmi og Seyðisfirði skipt út úr Norður-Múlasýslu og gert að einmenningskjördæmi.
Eftir þessa breytingu voru 34 þjóðkjörnir þingmenn og 6 voru konungkjörnir. Samtals 40 þingmenn.
1916 Sex landskjörnir þingmenn sem kosnir voru hlutfallskosningu með landið allt sem eitt kjördæmi. Landskjörnu þingmennirnir komu í stað konungkjörinna þingmanna.
Þingmenn voru 40 eins og áður.
1921 Þingmönnum Reykjavíkur fjölgað úr tveimur í fjóra og tekin upp hlutfallskosning.
Eftir þessa breytingu fjölgaði þingmönnum í 42.
1923 Húnavatnssýslu skipt upp í tvö einmenningskjördæmi, Vestur-Húnavatnssýslu og Austur-Húnavatnssýslu.
1931 Gullbringu- og Kjósarsýslu skipt upp í tvö einmenningskjördæmi þegar að Hafnarfjörður var gerður að sérstöku kjördæmi.
1934 Landskjör lagt niður. Uppbótarþingsæti tekin upp til jöfnunar á milli stjórnmálaflokka. Samkvæmt lögum áttu þau að vera allt að ellefu. Þingmönnum Reykjavíkur fjölgað úr fjórum í sex.
Við þessa breytingu fjölgaði þingmönnum í 49.
1942 október Þingmönnum Reykjavíkur fjölgað úr sex í átta. Siglufirði skipt út úr Eyjafjarðarsýslu og gerður að sérstöku einmenningskjördæmi. Hlutfallskosning tekin upp í tvímenningskjördæmum. Þau voru: Skagafjarðarsýsla, Eyjafjarðarsýsla, Norður-Múlasýsla, Suður-Múlasýsla, Rangárvallasýsla og Árnessýsla.
Við þessa breytingu fjölgaði þingmönnum í 52.
1959 október Kjördæmabreyting. Átta kjördæmi stofnuð með samtals 49 þingmönnum. Uppbótarsæti voru áfram 11. Þingmönnum fjölgaði í 60 við þessa breytingu.
- Reykjavíkurkjördæmi. Þingmönnum fjölgaði úr 8 í 12.
- Reykjaneskjördæmi – Gullbringu- og Kjósarsýsla og Hafnarfjörður. Þingmönnum fjölgaði úr 2 í 5.
- Vesturlandskjördæmi – Borgarfjarðarsýsla, Mýrasýsla, Snæfellsnessýsla og Dalasýsla sameinaðar. Þingmönnum fjölgaði úr 4 í 5.
- Vestfjarðakjördæmi – Barðastrandarsýsla, Vestur-Ísafjarðarsýsla, Ísafjörður, Norður-Ísafjarðarsýsla og Strandasýsla. Þingmenn voru áfram 5.
- Norðurlandskjördæmi vestra – Vestur-Húnavatnssýsla, Austur-Húnavatnssýsla, Skagafjarðar-sýsla og Siglufjörður. Þingmenn voru áfram 5.
- Norðurlandskjördæmi eystra – Eyjafjarðarsýsla, Akureyri, Suður-Þingeyjarsýsla og Norður-ÞIngeyjarsýsla. Þingmönnum fjölgaði úr 5 í 6.
- Austurlandskjördæmi – Norður-Múlasýsla, Seyðisfjörður, Suður-Múlasýsla og Austur-Skaftafellssýsla. Þingmönnum fækkaði úr 6 í 5.
- Suðurlandskjördæmi – Vestur-Skaftafellssýsla, Vestmannaeyjar, Rangárvallasýsla og Árnessýsla. Þingmenn voru áfram 6.
1987 Breyting á kosningafyrirkomulagi. Þingmönum fjölgaði úr 60 í 63. Uppbótarsæti voru öll nema eitt (flakkarinn) fest við kjördæmi.
- Reykjavíkurkjördæmi var með 14 kjördæmasæti + 4 uppbótarsæti
- Reykjaneskjördæmi var með 9 kjördæmasæti + 2 uppbótarsæti
- Vesturlandskjördæmi var með 4 kjördæmasæti + 1 uppbótarsæti
- Vestfjarðakjördæmi var með 4 kjördæmasæti + 1 uppbótarsæti
- Norðurlandskjördæmi vestra var með 4 kjördæmasæti + 1 uppbótarsæti
- Norðurlandskjördæmi eystra var með 5 kjördæmasæti + 1 uppbótarsæti
- Austurlandskjördæmi var með 4 kjördæmasæti + 1 uppbótarsæti
- Suðurlandskjördæmi var með 5 kjördæmasæti + 1 uppbótarsæti
1995 Uppbótarsætið sem ekki hafði verið fest við kjördæmi (flakkarinn) festur við Reykjaneskjördæmi sem hafði þar með 9 kjördæmasæti + 3 uppbótarsæti
2003 Kjördæmabreyting.
- Norðvesturkjördæmi – Vesturlandskjördæmi, Vestfjarðakjördæmi og Norðurlandskjördæmi vestra að frádregnum Siglufirði. Kjördæmið var með 9 kjördæmasæti + 1 uppbótarsæti. Þingmönnum fækkaði um 5.
- Norðausturkjördæmi – Norðurlandskjördæmi eystra og Austurlandskjördæmi án Austur-Skaftafellssýslu að viðbættum Siglufirði. Kjördæmið var með 9 kjördæmasæti + 1 uppbótarsæti. Þingmönnum fækkaði um 1.
- Suðurkjördæmi – Suðurlandskjördæmi, Suðurnes og Austur-Skaftafellssýsla. Kjördæmið var með 9 kjördæmasæti + 1 uppbótarsæti.
- Suðvesturkjördæmi – Reykjaneskjördæmi að frádregnum Suðurnesjum. Kjördæmið var með 9 kjördæmasæti + 2 uppbótarsæti.
- Reykjavík var skipt upp í tvö kjördæmi sem hvort um sig hlaut 9 kjördæmasæti og 2 uppbótarsæti.
2007 Eitt kjördæmissæti fluttist frá Norðvesturkjördæmi til Suðvesturkjördæmis. Eftir breytinguna var Norðvesturkjördæmi var því með 8 kjördæmasæti + 1 uppbótarsæti en Suðvesturkjördæmi var með 10 kjördæmasæti + 2 uppbótarsæti.
2013 Eitt kjördæmissæti fluttist frá Norðvesturkjördæmi til Suðvesturkjördæmis. Eftir breytinguna var Norðvesturkjördæmi var því með 7 kjördæmasæti + 1 uppbótarsæti en Suðvesturkjördæmi var með 11 kjördæmasæti + 2 uppbótarsæti.
kosningasaga 