Sarpur fyrir desember, 2016

Árið 2016

Viðburðaríku ári í kosningasögu landsins er senn að ljúka. Kosinn var nýr forseti og nýtt þing eftir afsögn Sigmundar Davíðs Gunnlaugssonar forsætisráðherra.

Í nýársávarpi sínu tilkynnti Ólafur Ragnar Grímsson forseti að hann sækist ekki eftir endurkjöri. Í beinu framhaldi af því fóru fréttir um framboð að berast auk þess sem margir veltu fyrir sér framboðum. Á þriðja tug einstaklinga lýstu yfir framboði á einhverjum tímapunkti en meira en helmingur dró framboð sitt til baka eða náði ekki tilskildum fjölda meðmælenda. Meðal þeirra sem lýstu yfir framboði og hættu við var Ólafur Ragnar Grímsson. Á kjörseðlinum voru að lokum 9 nöfn en Guðni Th. Jóhannesson sagnfræðingur sigraði með ríflega 39% atkvæði. Næstur honum kom Halla Tómasdóttir fjárfestir með tæp 28%. Sjá nánar.

Í apríl var sagði Sigmundur Davíð Gunnlaugsson forsætisráðherra af sér og við tók ráðuneyti Sigurðar Inga Jóhannssonar. Jafnframt var ákveðið að kosningar færu fram í október. Tólf framboð buðu fram þar af þrjú ný. Það voru Viðreisn, Flokkur fólksins og Íslenska þjóðfylkingin. Úrslit urðu þau að Sjálfstæðisflokkur hlaut 21 þingsæti, Vinstrihreyfingin grænt framboð 10, Píratar 10, Framsóknarflokkur 8, Viðreisn 7, Björt framtíð 4 og Samfylking 3. Sjá nánar.

Af þeim sem kjörnir voru á þing voru 31 endurkjörinn, 3 komu inn á þing að nýju en 29 höfðu ekki setið áður á þingi. Af þeim sem sátu áður á þingi gáfu 18 ekki kost á sér til endurkjörs, 5 fengu ekki þann framgang í prófkjörum eða uppstillingu sem þeir væntu og 9 féllu í kosningunum sjálfum.

Færðu inn athugasemd

Fækkun sveitarfélaga framundan?

sambandÍ maí 2018 verður kosið til sveitarstjórna. Samkvæmt frétt á vef RÚV eru nokkrar hugmyndir, mislangt komnar, um sameiningu sveitarfélaga í gangi. Gangi þessar hugmyndir eftir sem kannski er ekki mjög líklega gæti sveitarfélögum fækkað um 17. Þessar hugmyndir eru:

  • Sveitarfélagið Garður og Sandgerðisbær – myndi fækka um eitt
  • Öll sveitarfélög í Árnessýslu utan Bláskógarbyggðar – myndi fækka um sex
  • Stykkishólmur, Grundarfjörður og Helgafellssveit – myndi fækka um tvö
  • Djúpavogshreppur, Sveitarfélagið Hornafjörður og Skaftárhreppur – myndi fækka um tvö
  • Eyjafjörður – Fjallabyggð, Dalvíkurbyggð, Hörgársveit, Akureyri, Eyjafjarðarsveit, Svalbarðsstrandahreppu og Grýtubakkahreppur – myndi fækka um sex

Færðu inn athugasemd

Framsóknarflokkurinn 100 ára

framsoknÍ dag 16. desember á Framsóknarflokkurinn 100 ára afmæli og því elsti starfandi stjórnmálaflokkur landsins. Flokkurinn var stofnaður 16. desember 1916 af þingmönnum úr Bændaflokknum og Óháðum bændum og var Ólafur Briem fyrsti formaður flokksins. Jón Sigurðsson fv.formaður flokksins skrifar grein um forystu Framsóknarflokksins á framsokn.is.

Alþýðuflokkurinn var einnig stofnaður 1916. Sjálfstæðisflokkurinn var stofnaður 1929 og Kommúnistaflokkur Íslands 1930 sem var undanfari Sósíalistaflokksins – sameiningarflokks Alþýðu og Alþýðubandalagsins. Vinstrihreyfingin grænt framboð og Samfylkingin voru stofnuð 1999 eftir uppstokkun á vinstri væng stjórnmálanna. Björt framtíð og Píratar voru stofnuð 2012 og Viðreisn var formlega stofnuð í maí sl.

Meira um íslenska stjórnmálaflokka er hægt að lesa á síðunni Íslenskir stjórnmálaflokkar í 100 ár. 

Færðu inn athugasemd