Sarpur fyrir október, 2016

Heildarúrslit kosninganna og skoðanakannanir

kosn2016Úrslit alþingiskosninganna í gær eru orðin ljós og hafa birst í fjölmiðlum. Hér að neðan eru þau borin saman við skoðanakannanirnar sem birtust tvo síðustu dagana. Skoðanakannanir 365 miðla sem birtust í Fréttablaðinu og Stöð2 var með minnsta heildarfrávikið, 8,9%. Gallup var með 12,2% í heildarfrávik, MMR með 13,4% og Félagsvísindastofnun með 17,0%. Athyglisvert er hversu frávikið er mikið en líklega hefur það að einhverju leiti með tímalengd kannana að gera og að allnokkrar breytingar hafi orðið á afstöðu fólks eftir að hugmynd um ríkisstjórn stjórnarandstöðunnar voru kynntar.

  • Sjálfstæðisflokkur 29,0% – 21 þingmann – Sjálfstæðisflokkurinn fékk meira fylgi en allar kannanir höfðu gert ráð fyrir. Næst komust Gallup og 365 miðlar. Hjá MMR munaði 4% og 6,5% hjá Félagsvísindastofnun.
  • Vinstrihreyfingin grænt framboð 15,9% – 10 þingmenn – VG hlaut aðeins minna fylgi en kannanir gerðu ráð fyrir.
  • Píratar 14,5% – 10 þingmenn – Píratar fengu miklu minna fylgi en kannanir gerðu ráð fyrir. Gallup og 365 miðlar voru næst þessu en þó munaði 3,5% hjá þeim. MMR ofmat þá um 6% og Félagsvísindastofnun um 6,7%.
  • Framsóknarflokkur 11,5% – 8 þingmenn – Framsóknarflokkur hlaut betri kosningu en kannanir gáfu til kynna nema MMR sem var á pari. 365 miðlar og Félagsvísindastofnun vanmátu flokkinn um 1,5% og Gallup um 2%.
  • Viðreisn 10,5% – 7 þingmenn – 365 miðlar voru með fylgi Viðreisnar á pari. Hjá Félagsvísindastofnun munaði 0,9%, en 1,6% og 1,7% hjá MMR og Gallup.
  • Björt framtíð 7,2% – 4 þingmenn – Björt framtíð var vanmetin um hálft prósent hjá öllum nema 365 miðlum sem vanmátu flokkinn um tæpt prósent.
  • Samfylkingin 5,7% – 3 þingmenn – Stöð2 og Félagsvísindastofnun mátu flokkinn rétt. MMR ofmat hann um 0,4% og Gallup um 1,7%.
  • Þeir flokkar sem fengu ekki kjörna þingmenn: Flokkur fólksins 3,5%, Dögun 1,7, Alþýðufylkingin 0,3%, Íslenska þjóðfylkingin 0,2% og Húmanistaflokkurinn 0,0%.

Færðu inn athugasemd

Könnun frá Gallup

gallupfylgiRuv.is birtir í dag könnun frá Gallup í dag. Um er að ræða fjórðu könnunina sem birtist á tæpum sólarhring og líklega sú síðasta fyrir kosningarnar á morgun. Ef þessar fjórar kannanir eru bornar saman er staðan þannig:

  • Sjálfstæðisflokkur 27% – 19 þingmenn – þetta fylgi er í samræmi við könnun Stöðvar 2 í gærkvöldi en mun betri en kannanir Félagsvísindastofnunar og MMR.
  • Píratar mælast með 17,9% – 12 þingmenn. Slakasta könnun flokksins af þessum fjórum en næstum á pari við könnun Stöðvar 2.
  • Vinstri grænir með 16,5% – 11 þingmenn – sama fylgi og í öðrum könnunum.
  • Framsóknarflokur 9,5% – 6 þingmenn – svipað fylgi og hjá Félagsvísindastofnun og Stöð 2 en heldur minna en hjá MMR.
  • Samfylking 7,4% – 5 þingmenn  – þeirra besta könnun af þessum fjórum.
  • Björt framtíð 6,8% – 4 þingmenn – sama fylgi og í öðrum könnunum.
  • Aðrir flokkar fá samtals 6,1% í þessari könnun og þar af mælist Flokkur fólksins með 3,4%.

gallupmennRíkisstjórnarflokkarni hafa samtals 25 þingsæti samkvæmt þessari könnun. Stjórnarandstöðuflokkarnir reiknast með 32 þingsæti eða eins manns meirihluta. Viðreisn mælist með 6 þingsæti. Telja verður ólíklegt að menn fari af stað með meirihlutastjórn sem væri með eins manns meirihluta og hver þingmaður hefði þannig neitunarvald.

 

Færðu inn athugasemd

Könnun frá MMR

MMR birti skoðanakönnun í dag. Helstu atrið eru þessi:

  • mmrfylgiSjálfstæðisflokkurinn er stærstur með 24,7 % og 17 þingmenn. Betri könnun en hjá sú sem birtist hjá Félagsvísindastofnun í morgun og MMR á miðvikudag en slakari Stöðvar2 könnunin frá í gær en kannanir Stöðvar2 hafa verið að mæla flokkinn sterkari en annars staðar.
  • Píratar 20,5% og 14 þingmenn. Flokkurinn er að mælast heldur sterkari í dag en dagana þar á undan.
  • Vinstri grænir 16,2% og 11 þingmenn. Sama og í öðrum könnunum.
  • Framsóknarflokkur 11,4% og 7 þingmenn. Sterkari mæling en þær sem hafa birst í vikunni.
  • Viðreisn 8,9% – 6 þingmenn. Slakari mæling en í könnunum Stöðvar 2 og Félagsvísindastofnunar en svipað og í könnun MMR á miðvikudag.
  • Björt framtíð 6,7% – 4 þingmenn. Á sama stað og í könnunum frá í morgun og í gær en mun slakara en í könnun MMR sem birtist á miðvikudag.
  • Samfylking 6,1% – 4 þingmenn. Sama staða og í tveimur síðustu könnunum en heldur slakara en í könnun MMR á miðvikudag.
  • Aðrir flokkar mælast samtals með 5,5%. Flokkur fólksins er með 2,4%, Dögun með 2,3% og Íslenska þjóðfylkingin með 0,6%. Alþýðufylkingin og Húmanistaflokkurinn skipta því með sér 0,2%.

mmrmennRíkisstjórnarflokkarnir hafa því samkvæmt þessu 24 þingsæti. Núverandi stjórnarandstaða, sem hefur rætt um stjórnarsamstarf, hefur 33 þingsæti og því eins þingsætis meirihluta. Viðreisn er með 6 þingmenn.

 

Færðu inn athugasemd

Könnun frá Félagsvísindastofnun

fel-fylgiMorgunblaðið birtir í morgun könnun frá Félagsvísindastofnun Háskóla Íslands. Helstu niðurstöður eru þessar:

  • Sjálfstæðisflokkur 22,5% – 16 þingmenn – Þetta er svipað fylgi og könnun MMR í vikunni sýndi en mun minna en mælingar fréttastofu 365 miðla gefa til kynna.
  • Píratar 21,2% – 14 þingmenn – heldur meira fylgi en í síðustu könnunum
  • Vinstri grænir 16,8% – 11 þingmenn – svipað fylgi og í undanförnum könnunum
  • Viðreisn 11,4% – 7 þingmenn – heldur meira fylgi en í síðustu könnunum
  • Framsóknarflokkur 10,2% – 7 þingmenn – svipað fylgi og í undanförnum könnunum
  • Björt framtíð 6,7% – svipað fylgi og í undanförnum könnunum nema lægra en í könnun MMR
  • Samfylkingin 5,7% sem er sama fylgi og hjá 365 miðlum í vikunni en minna en hjá MMR
  • Aðrir flokkar mælast með minna fylgi. Dögun með 2,2%, Flokkur fólksins með 2,1%, Íslenska þjóðfylkingin 0,4%, Alþýðufylkingin 0,3% og Húmanistaflokkurinn 0,1%.

fel-mennÞingsæti skiptast eins og myndin til hliðar sýnir. Ef horft er til stjórnarmyndunar að þá eru ríkisstjórnarflokkarnir samtals með 23 þingsæti. Píratar, Vinstri grænir, Samfylking og Björt framtíð reiknast með 33 þingsæti eða eins manns meirihluta. Viðreisn mælist að auki með 7 þingsæti.

Færðu inn athugasemd

Skoðanakönnun á Stöð2

stod2-fylgiÍ kvöld birti fréttastofa Stöðvar2 skoðanakönnun um fylgi flokkanna og útreikning á þingmönnum. Samkvæmt könnuninni mælist Sjálfstæðisflokkurinn langstærstur með 27,3% sem er mun meira en í undanförnum könnunum. Píratar mælast með 18,4% sem er minnsta fylgi sem flokkurinn hefur fengið í undanförnum könnunum. Vinstrihreyfingin grænt framboð mælist með 16,4% sem er svipað og undanfarið. Viðreisn mælist með 10,5% og Framsóknarflokkurinn með 9,9% sem er sambærilegt fyrir síðustu kannanir. Björn framtíð mælist með 6,3% sem er svipað og í könnunum Félagsvísindastofnunar og Fréttablaðsins en mun minna en í könnun MMR. Samfylkingin er með 5,7% sem er aðeins minna en í fyrri könnunum tveimur en miklu minna en í könnun MMR: Aðrir mælast með 5,4 en það er ekki sundurgreint á Vísi.is

stod2-mennSamkvæmt þessu fengi Sjálfstæðisflokkurinn 18 þingmenn og Framsóknarflokkurinn 8, samtals 26 þingmenn. Píratar fengju 12, Vinstri grænir 11, Björt framtíð 4 og Samfylking 3, samtals 30 þingmenn. Viðreisn fengi samkvæmt þessu 7 þingmenn og væri í ákveðinni lykilstöðu.

Færðu inn athugasemd

Talning á fleiri en einum stað í kjördæmi

kosn2016Fram kemur á mbl.is í dag að einhverjar áhyggjur séu af því að talning í Norðausturkjördæmi geti tafist vegna þess að það þurfi að koma kjörgögnum af Austurlandi til Akureyrar en veðurspá fyrir kjördag er ótrygg. Þetta væri hægt að leysa þannig að yfirkjörstjórn í Norðausturkjördæmi gæti falið umdæmiskjörstjórn t.d. á Fljótsdalshéraði að sjá um talningu fyrir Austurland en heimild er til þess í 1.mgr. 97. gr. laga um kosningar til Alþingis. Greinin hljóðar þannig: “ Yfirkjörstjórn getur ákveðið að auk talningar hjá henni geti talning farið fram hjá umdæmiskjörstjórn, á öðrum stað í kjördæminu.“ Víða erlendis er sá háttur hafður á að viðkomandi kjörstjórnir telja hver á sínu svæði innan kjördæma og senda upplýsingar um úrslit til viðkomandi yfirkjörstjórnar.

Færðu inn athugasemd

Nú deyr frambjóðandi …

kosn2016Sú staða er uppi fyrir þessar kosningar að aldraður maður sem skipaði heiðurssætið á lista Vinstrihreyfingarinnar græns framboðs í Reykjavíkurkjördæmi suður lést. Um þetta segir í 37.gr. í lögum um kosningar til Alþingis: „Nú deyr frambjóðandi áður en kosning fer fram en eftir að framboðsfrestur er liðinn eða á næstu þremur sólarhringum áður en framboðsfrestur er liðinn, og má þá innan viku, ef fullur helmingur meðmælenda listans krefst þess, setja annan mann í stað hins látna á listann, enda sé fullnægt öðrum almennum skilyrðum um framboðið.“ Komi sú staða upp að látinn frambjóðandi nái kjöri þá myndi kjörstjórn úthluta næsta manni á lista sæti á Alþingi.

Færðu inn athugasemd

Könnun frá MMR

mmr-fylgiÍ dag birtist skoðanakönnun frá MMR. Könnunin var gerð á tímabilinu 19.-26. október og er því með heldur lengra tímabil undir en könnun Fréttablaðsins í morgun. Ef þessi könnun er borin saman við þrjá síðustu kannanir sem hafa birst, þ.e. kannanir Fréttablaðsins 26. og 19. október og könnun Félagsvísindastofnunar sem birtist 21.10 kemur eftirfarandi í ljós:

  • Sjálfstæðisflokkur 21,9% – 15 þingmenn – sem er svipað og í könnun Félagsvísindastofnuanr frá því fyrir helgi, en mun lægra en í Fréttablaðskönnunum.
  • Píratar 19,1% – 13 þingmenn – lægsta mæling Pírata en þó lítið lægri en Fréttablaðskannanirnar en nokkru undir könnun Félagsvísindastofnunar.
  • Vinstrihreyfingin grænt framboð 16% – 11 þingmenn – lægsta könnunin af þessum þremur en þó á svipuðum nótum og Fréttablaðskönnunin. Mun lægra en í Fréttablaðskönnuninni fyrir viku og hjá Félagsvísindastofnun.
  • Framsóknarflokkur 10% – 7 þingmenn – aðeins lægra en í Fréttablaðskönnun í morgun en hærra en mælingar í síðustu viku.
  • Viðreisn 9,3% – 6 þingmenn – Á svipuðum stað og síðustu kannanir en mun hærra en í Fréttablaðskönnuninni fyrir viku.
  • Björt framtíð 8,8% – 6 þingmenn – heldur hærra fylgi en í síðustu viku og mun meira en í könnun Fréttablaðsins í morgun.
  • Samfylkingin 7,6% – 5 þingmenn – aðeins meira fylgi en í síðustu þremur könnunum.
  • Flokkur fólksins mælist með 3,4%, Dögun 1,6%, Íslenska þjóðfylkingin 1,5% og aðrir 0,8%. Undir öðrum eru m.a. Alþýðufylkingin og Húmanistaflokkurinn.

mmr-mennVarðandi ríkisstjórnarmyndun að þá er engin tveggja flokka stjórn í myndunum og ekki hægt að mynda þriggja flokka stjórn nema að Sjálfstæðisflokkur kæmi að henni. Samstjórn Pírata, Vinstri grænna, Samfylkingar og Bjartar framtíðar, sem þreifingar hafa staðið um, myndi samkvæmt þessu fá 35 þingmenn og hefði því aðeins ríflegri meirihluta en könnun Fréttablaðsins í morgun gaf til kynna.

Færðu inn athugasemd

Könnun í Fréttablaðinu

frb2016-10-26Fréttablaðið birtir í morgun skoðnanakönnun sem gerð var dagana 24.-25. október. Ef samanburður er gerður við þrjá síðustu kannanir þar á undan sem er könnun MMR frá 14. október, Fréttablaðsins frá 19. október, Félagsvísindastofnunar frá 21.október kemur eftirfarandi í ljós:

  • Sjálfstæðisflokkur 25,1% – 17 þingmenn – um er að ræða bestu könnun flokksins. Heldur betri en könnun Fréttablaðsins og mun betri en hinar tvær.
  • Píratar 20,3% – 14 þingmenn – svipað og í fyrri könnun Fréttablaðsins og könnun MMR en lægra en í könnun Félagsvísindastofnunar.
  • Vinstri grænir 16,4% – 11 þingmenn – heldur lakara en í tveimur síðustu könnunum en betra en í könnun MMR fyrir 10 dögum.
  • Framsóknarflokkur 11,2% – 7 þingmenn – besta könnun flokkins af þessum fjórum.
  • Viðreisn 10,8% – 7 þingmenn – mun betri útkoma en í könnunum Fréttablaðsins og Félagsvísindastofnunar en á svipuðum stað og í könnun MMR.
  • Samfylkingin 6% – 4 þingmenn – svipuð útkoma og í síðustu könnunum en mun lakari niðurstaða en í könnun MMR fyrir 10 dögum.
  • Björt framtíð 5,1% – 3 þingmenn – lakasta niðurstaða flokksins í könnunum fjórum en flokkurinn hefur tapað fylgi í hverri könnun og nú kominn niður undir 5%.
  • Aðrir flokkar mældust samtals með 5,1%.

frb2016-10-26Fyrir stjórnarmyndun þýðir þetta að möguleg ríkisstjórn Pírata, Vinstrihreyfingarinnar græns framboðs, Samfylkingar og Bjartrar framtíðar mælist með 32 þingsæti og hefði því eins manns meirihluta. Fyrir utan að Björt framtíð er aðeins með 5,1% og því orðin tæp á því að fá jöfnunarsæti. Eins og áður er ekki möguleiki á tveggja flokka ríkisstjórn en nokkrir möguleikar eru hins vegar á þriggja flokka stjórnum en þeir verða alltaf að innihalda tvo af þeim þremur flokkum sem mælast stærstir.

 

Færðu inn athugasemd

Skoðanakönnun fyrir Reykjavík

kosn2016Stöð2 birti í kvöld skoðanakönnun fyrir Reykjavík. Píratar mælast með 24% fylgi sem þýðir tvo til þrjá þingmenn.Sjálfstæðisflokkurinn mælist með 20,8% sem þýðir að flokkur fengi tvo þingmenn í hvoru kjördæmi. Vinstrihreyfingin grænt framboð mælist með 19,4% sem ætti að þýða tvo þingmenn í hvoru kjördæmi. Viðreisn mælist með 10% og þingmann í báðum kjördæmum. Björt framtíð er með 7,1% og Samfylking með 6,7% sem líklega þýðir að flokkarnir næðu einum þingmanni í öðru hvoru kjördæminu. Framsóknarflokkurinn er með 5,2% og því ekki með þingmann ef skipting milli kjördæmanna er jöfn en er nálægt að ná þingmanni í öðru kjördæminu ef skiptingin er ójöfn. Flokkur fólksins mældist með 2,1%, Dögun með 1,7%, Íslenska þjóðfylkingin með 1,2% þrátt fyrir að bjóða ekki fram og Alþýðufylkingin með 0,9%.

Færðu inn athugasemd