Sarpur fyrir ágúst, 2016

Viðreisn – þrjú efstu sætin í Norðvestur

vidreisnÁ vef BB.is í dag kemur fram að þrjú efstu sætin á lista Viðreisnar í Norðvesturkjördæmi skipi Gylfi Ólafsson hagfræðingur í Reykjavík (frá Ísafirði), Lee Ann Maginnis verkefnastjóri upplýsingamiðstöðvar ferðamála á Blönduósi og Sturla Rafn Guðmundsson svæðisstjóri í Garðabæ. Jafnframt kemur fram að fullskipaðir listar Viðreisnar verði birtir þann 12. september n.k.

Færðu inn athugasemd

Höskuldur sækist eftir að leiða í Norðaustur

framsoknHöskuldur Þórhallsson alþingismaður sækist eftir að leiða lista Framsóknarflokksins í Norðausturkjördæmi. Sigmundur Davíð Gunnlaugsson formaður Framsóknarflokksins og núverandi oddviti flokksins kjördæminu hefur einnig gefið út að hann sækist eftir að leiða listanna áfram. Þá hafa þær Lineik Anna Sævarsdóttir og Þórunn Egilsdóttir sem einnig eru þingmenn flokksins í kjördæminu gefið út að þær sækist eftir endurkjöri. Framboðsfrestur rennur út 2. september en valið verður á listann á tvöföldu kjördæmisþingi 17. september.

Færðu inn athugasemd

VG í Norðvestur hefur póstkosningu að nýju

VGÁ vef Skessuhorns kemur fram að kjörstjórn Vinstrihreyfingingarinnar græns framboðs í Norðvesturkjördæmi hafi ákveðið að senda út nýja kjörseðla vegna forvals flokksins í kjördæminu og ógilda þannig áður senda kjörseðla. Síðasti dagur til að póstleggja atkvæðaseðlana átti að vera 5.september er ljóst er að það frestast eitthvað. Samtals eru 1.102 félagar í félögum Vinstrihreyfingarinnar græns framboðs í Norðvesturkjördæmi og hefur fjölgað um 650 manns undanfarið. Í síðustu alþingiskosningum hlaut flokkurinn 1.470 atkvæði.

Færðu inn athugasemd

Brynjar vill í 3.sæti og Birgir í 2.-4.sæti

sjalfstflBrynjar Níelsson alþingismaður sækist eftir 3.sætinu í prófkjöri Sjálfstæðisflokksins í Reykjavík og Birgir Ármannsson alþingismaður sækist eftir 2.-4.sætinu. Aðrir sem eru í framboði eru: Ólöf Nordal innanríkisráðherra og varaformaður Sjálfstæðisflokksins sem sækist eftir 1. sæti. Guðlaugur Þór Þórðarson og Sigríður Á. Andersen alþingismenn sækist eftir 2.sæti.  Jón Ragnar Ríkharðsson sjómaður og Áslaug Arna Sigurbjörnsdóttir ritari Sjálfstæðisflokksins sækjast eftir 3. sæti. Ingibjörg Óðinsdóttir varaþingmaður og Hildur Sverrisdóttir borgarfulltrúi sækjast eftir 4. sæti og Guðmundur Franklin Jónsson fv.formaður Hægri grænna sækist eftir 4.-6.sæti. Þá sækist Sindri Einarsson og Herdís Anna Þorvaldsdóttir eftir 5.sæti. Auk þess er Kristjana G. Kristjánsdóttir í framboði.

Færðu inn athugasemd

Steinunn Ýrr vill 3.-4.sæti í Reykjavík

samfylkingStein­unn Ýr Ein­ars­dótt­ir rit­ari kvenna­hreyf­ing­ar Sam­fylk­ing­ar­inn­ar sæk­ist eft­ir 3.-4. stæi í forvarli Sam­fylk­ing­ar­inn­ar í Reykja­vík. Aðrir sem boðið hafa sig fram eru: Aðrir sem hafa boðið sig fram eru Sigríður Ingibjörg Ingadóttir alþingismaður sem sækist eftir 1.sæti, Valgerður Bjarnadóttir alþingismaður í 1.-2.sæti en alþingismennirnir Össur Skarphéðinsson og Helgi Hjörvar hafa ekki gefið upp sæti enn sem komið er. Sig­urður Hólm Gunn­ars­son býður sig fram í 2.-3. sæti. Þá hafa þeir Gunnar Alexander Ólafsson og Magnús Már Guðmundsson boðið sig fram í 3.-4.sæti og Þórarinn Snorri Sigurgeirsson í 4.-6.sæti Forvalið fer fram 8.- 10. sept­em­ber næst­kom­andi.Framboðsfrestur rennur út 3. september.

Færðu inn athugasemd

Tíu í prófkjöri D-lista í Norðaustur

sjalfstflTíu gefa kost á sér í sex efstu sætin í prófkjöri Sjálfstæðisflokksins í Norðausturkjördæmi en kosið um sætin á tvöföldu kjördæmisþingi 3. og 4. september n.k. Kristján Þór Júlíusson heilbrigðisráðherra býður sig einn fram í 1.sætið. Valgerður Gunnarsdóttir alþingismaður og Njáll Trausti Friðbertsson bæjarfulltrúi á Akureyri bjóða sig fram í 2. sætið. Ingbjörg Jóhannsdóttir nemi á Akureyri býður sig fram í 2.-5. sæti. Valdimar O. Hermannsson bæjarfulltrúi í Fjarðbyggð og Arnbjörg Sveinsdóttir fv.alþingismaður á Seyðisfirði bjóða sig fram í 3.sæti. Ketill Sigurður Jóelsson nemi á Akureyri og Elvar Jónsson laganemi og varaformaður SUS á Akureyri bjóða sig fram í 4.sætið. Melkorka Ýrr Yrsudóttur nemi á Akureyri býður sig fram í 4.-6.sæti og Daníel Sigurður Edvaldsson fjölmiðlafræðingur á Akureyri býður sig fram í 5.-6.sæti.

Færðu inn athugasemd

Ólöf Nordal vill 1. sæti í Reykjavík

sjalfstflÓlöf Nordal innanríkisráðherra og varaformaður Sjálfstæðisflokksins sækist eftir 1. sæti í prófkjöri Sjálfstæðisflokksins í Reykjavík. Hún greinir frá þessu á facebooksíðu sinni. Guðlaugur Þór Þórðarson og Sigríður Á. Andersen alþingismenn sækist eftir 2.sæti. Alþingismennir Brynjar Níelsson og Birgir Ármannsson sækjast eftir sætum ofarlega. Jón Ragnar Ríkharðsson sjómaður og Áslaug Arna Sigurbjörnsdóttir ritari Sjálfstæðisflokksins sækjast eftir 3. sæti. Ingibjörg Óðinsdóttir varaþingmaður og Hildur Sverrisdóttir borgarfulltrúi sækjast eftir 4. sæti og Guðmundur Franklin Jónsson fv.formaður Hægri grænna sækist eftir 4.-6.sæti. Þá sækist Sindri Einarsson og Herdís Anna Þorvaldsdóttir eftir 5.sæti. Auk þess er Kristjana G. Kristjánsdóttir í framboði.

Færðu inn athugasemd

Karl og Lilja leiða Framsókn í Reykjavík

framsoknKarl Garðarsson leiðir lista Framsóknarflokksins í Reykjavíkurkjördæmi norður en hann bar sigurorð af Þorsteini Sæmundssyni á kjördæmisþingi Framsóknarflokksins í morgun með 57% atkvæða gegn 43%.Þorsteinn mun því hverfa af þingi í haust. Lárus Sigurður Lárusson verður í 2.sæti. Sævar Þór Jónsson í 3.sæti, Ingveldur Sæmundsdóttir 4.sæti og Gunnar Kristinn Þórðarsoní 5.sæti.
Lilja Alfreðsdóttir mun leiða lista Framsóknarflokksins í Reykjavíkurkjördæmi suður en hún bauð sig ein fram í það sæti.Ingvar Mar Jónsson verður í 2. sæti og Alex Björn Bülow Stefánsson í 3.sæti, Björn Ívar Björnsson í 4.sæti og Gissur Guðmundsson í 5.sæti.

Færðu inn athugasemd

Staðfestingarkosning Pírata í NV hafin að nýju

piratarStaðfestingarkosning Pírata í Norðvesturkjördæmi er hafin að nýju eftir að úrskurðað var að oddviti listans hafi ekki brotið reglur Pírata um prófkjör. Aðeins 14 sæti eru í tillögunni en fylla þarf 16 sæti til að ná fullum framboðslista. Nokkrar breytingar eru frá tillögunni sem lögð var fram fyrr í mánuðinum. Þrjú efstu sætin eru óbreytt en Hafsteinn Sverrisson sem var í 7. sæti færist upp í það 4. Við það færast Eiríkur Þór Theódórsson og Gunnar Ingiberg Guðmundsson niður um eitt sæti. Halldóra Sigrún Ásgeirsdóttir sem var í 6. sæti er ekki lengur á listanum. Við það færast þau Herbert Snorrason, Vigdís Pálsdóttir, Elís Svavarsson og Þorgeir Pálsson upp um eitt sæti. Þráinn Svan Gíslason og Fjölnir Már Baldursson sem voru í 12. og 13. sæti eru ekki lengur á listanum. Við það færast Gunnar Örn Rögnvaldsson og Ómar Ísak Hjartarson upp í 11. og 12. sæti. Nýr inn á listann kemur Egill Hansson í 13 sæti og að lokum er Hildur Jónsdóttir í 14. sæti en var í 16. áður. Kosningunni lýkur 2. september kl.16. Tillagan er sem hér segir:

1. Þórður Guðsteinn Pétursson, Íþróttafræðingur 8. Vigdís Pálsdóttir, heldriborgari
2. Gunnar Jökull Karlsson, verkamaður 9. Elís Svavarsson, umhverfis- og auðlindafræðingur
3. Eva Pandora Baldursdóttir, viðskiptafræðingur 10. Þorgeir Pálsson, framkvæmdastjóri
4. Hafsteinn Sverrisson, viðskiptalögfræðingur 11. Gunnar Örn Rögnvaldsson
5. Eiríkur Þór Theódórsson, sýningarstjóri 12. Ómar Ísak Hjartarson, háseti
6. Gunnar Ingiberg Guðmundsson, skipstjórnarmaður 13. Egill Hansson, listamaður
7. Herbert Snorrason, bóksali 14. Hildur Jónsdóttir, námsmaður

Færðu inn athugasemd

Þrjú framboð í forvali Samfylkingar í NV

samfylkingFramboðsfrestur vegna forvals Samfylkingarinnar í Norðvesturkjördæmi rann út 19. ágúst sl. Kjósa átti í fjögur sæti en aðeins þrjú framboð bárust og verður því kosið um tvö efstu sætin. Frá þessu er greint á BB.is  Þau sem buðu sig fram eru Ólína Þorvarðardóttir alþingismaður, Guðjón Brjánsson framkvæmdastjóri og Inga Björk Bjarnadóttir. Forvalið fer fram 8.-10. september n.k.

Færðu inn athugasemd