Sarpur fyrir október, 2015

Unnið að stofnun Þjóðarflokks

þjóðarflokkurinnStundin.is segir frá því að Sverrir Þór Einarsson, bóndi, bifvélavirki og myndlistarmaður (einnig þekktur sem Sveddi tattú) stefni að stofnun flokks til að berjast gegn innflytjendum. Nafn flokksins er Þjóðarflokkurinn. Á facebook-síðu sem Sverrir heldur úti segir m.a. um stefnumál flokksins: „Við viljum stífar takmarkanir við innfluttningi flóttamanna þar til við höfum efni á að gera mannsæmandi við gamla fólkið, öryrkja, einstæðar mæður og reka almennilega heilbrigðisþjónustu. Hugsum fyrst um okkar bágstöddu Íslendinga áður en við ausum fjármagni í útlendinga,“ Þá vill flokkurinn innkalla allar veiðiheimildir og bjóða þær upp, skera niður í ríkisútgjöldum um 15% og bæta í skólakerfið.

Þess má geta að annar flokkur með sama nafni bauð fram í alþingiskosningunum 1987 og aftur 1991 í samstarfi við Flokk mannsins. Ekki er vitað til að nein tengsl séu á milli flokkanna tveggja.

Færðu inn athugasemd

Alþýðufylkingin stefnir að framboðum í öllum kjördæmum

xrBB.is hefur eftir Þorvaldi Þorvaldssyni formanni Alþýðufylkingarinnar að flokkurinn stefni að framboði í öllum kjördæmum í næstu alþingiskosningum. Flokkurinn hélt fund á Ísafirði í vikunni og stefnir á að ná fótfestu sem víðast.

Alþýðufylkingin bauð fram í Reykjavíkurkjördæmunum í alþingiskosningum 2013 og hlaut 118 atkvæði. Í borgarstjórnarkosningunum 2014 hlaut flokkurinn 219 atkvæði.

Færðu inn athugasemd