Sarpur fyrir desember, 2013

Frambjóðendur í prófkjöri Sjálfstæðisflokksins í Hafnarfirði

Framboðsfrestur í prófkjöri Sjálfstæðisflokksins í Hafnarfirði rann út 19. desember sl. Valdimar Svavarsson bæjarfulltrúi og oddviti flokksins í bæjarstjórn gefur ekki kost á sér. Aðrir bæjarfulltrúar flokksins, þau Rósa Guðbjartsdóttir, Kristinn Andersen, Geir Jónsson og Helga Ingólfsdóttir gefa hins vegar kost á sér. Það gerir einnig fyrsti varamaður flokksins Ólafur Ingi Tómasson. Aðrir frambjóðendur eru: Kristín Thoroddsen, Pétur Gautur Svavarsson, Skarphéðinn Orri Björnsson, Sævar Már Gústavsson og Valdimar Víðisson,

Færðu inn athugasemd

Framboðsfréttir dagsins

L-listinn á Akureyri og Björt framtíð hafa átt í þreifingum um sameiginlegt framboð í vor. Samkvæmt Akureyri Vikublaði mun ekki verða af sameiginlegu framboði þeirra í vor. Gert er ráð fyrir framboði Bjartar framtíðar á Akureyri í vor.

Framboðsfrestur fyrir prófkjör Sjálfstæðisflokksins í Kópavogi rann út í dag. Gunnar I. Birgisson fv.bæjarstjóri og núverandi bæjarfulltrúi gefur ekki kost á sér. Aðrir bæjarfulltrúar flokksins þau Ármann Kr. Ólafsson, Margrét Björnsdóttir og Aðalsteinn Jónsson gefa kost á sér áfram. Þá gefa varafulltrúarnir Karen E. Halldórsdóttir og Jóhann Ísberg kost á sér. Aðrir frambjóðendur í prófkjörinu eru: Andri Steinn Hilmarsson, Anný Berglind Thorstensen, Ása Inga Þorsteinsdóttir, Áslaug Telma Einarsdóttir, Guðmundur Gísli Geirdal, Gunnlaugur Snær Ólafsson, Hjördís Ýr Johnson, Jón Finnbogason, Kjartan Sigurgeirsson, Lárus Axel Sigurjónsson, Margrét Friðriksdóttir, Sigurður Sigurbjörnsson og Þóra Margrét Þórarinsdóttir.

Færðu inn athugasemd

Framboðsfréttir dagsins

Daníel Jakobsson bæjarstjóri á Ísafirði gefur kost á sér í 1. sæti á lista Sjálfstæðisflokksins á Ísafirði.

Á fundi fulltrúaráðs Sjálfstæðisfélaganna í Garðabær þann 16. desember var ákveðið að stillt skyldi upp á lista flokksins fyrir komandi bæjarstjórnarkosningar.

Sjálfstæðisflokkurinn á Ísafirði efnir til prófkjör þann 8. febrúar n.k. til að velja á lista flokksins fyrir komandi bæjarstjórnarkosningar. Framboðsfrestur er til 27. desember.

Sjálfstæðisflokkurinn í Kópavogi efnir til prófkjör þann 8. febrúar n.k. til að velja á lista flokksins fyrir komandi bæjarstjórnarkosningar. Framboðsfrestur er til 19. desember.

Flokksval Samfylkingarinnar í Reykjavík verður dagana 7.-8. febrúar n.k. Framboðsfrestur er til 17. janúar.

Vinstri grænir á Akureyri hafa ákveðið að halda sérstakan valfund um miðjan febrúar til að velja í fimm efstu sætin á lista flokksins fyrir komandi sveitarstjórnarkosningar.

Færðu inn athugasemd

Sjálfstæðisflokkur í Hafnarfirði með lokað prófkjör

Ákveðið hefur verið að viðhafa lokað prófkjör þann 1.febrúar n.k.  til að velja á framboðslista Sjálfstæðisflokksins í Hafnarfirði fyrir komandi bæjarstjórnarkosningar. Framboðsfrestur er til 19. desember n.k.

Færðu inn athugasemd

Prófkjör hjá Sjálfstæðisflokki í Grindavík

Sjálfstæðisflokkurinn í Grindavík hefur ákveðið að viðhafa prófkjör til að velja frambjóðendur fyrir komandi sveitarstjórnarkosningar. Framboðsfrestur er til 17. janúar.

Færðu inn athugasemd

Samfylking í Ísafjarðarbæ vill skoða Í-listasamstarf

Aðalfundur Samfylkingarinnar í Ísafjarðarbæ hefur samþykkt að fela stjórn félagsins að kanna möguleika á áframhaldandi samstarfi um Í-lista, til framboðs við sveitarstjórnarkosningarnar næsta vor.

Færðu inn athugasemd

Píratar bjóða fram í Reykjavík

Píratar hafa tekið formlega ákvörðun um framboð til borgarstjórnar í Reykjavík. Framboðslistinn verður tilkynntur eftir áramót.

Færðu inn athugasemd